နိုင်ငံနေရာမှာ မြန်မာကို ရှာတဲ့အခါ

မြန်မာပြည်မှာ အင်တာနက် ဆိုတာလေး တွင်ကျယ်ခါစ အချိန်တွေတုန်းကပေါ့၊ Website တွေမှာ တစ်ခုခု Register လုပ်တော့မယ် ဆိုရင် Country နေရာမှာ မြန်မာ ဆိုတဲ့ နာမည်ကို ရှာရတယ်။ အက္ခရာ စဉ်အလိုက် A , B , C စသဖြင့် စီထားတဲ့နေရာမှာ M နဲ့ စတဲ့ နိုင်ငံတွေကို ကြည့်၊ Myanmar ဆိုတာ ပါမလာဘူး။ စိတ်မလျှော့သေး B နဲ့စတဲ့ နိုင်ငံတွေကို ပြန်ရှာပြန် .. Burma ဆိုတာများ ဖြစ်နေမလား မျှော်လင့်ချက်နဲ့ပေါ့။

အဲ့ဒီ ခေတ် အခါက ဆော့ခဲ့ကြတဲ့ အွန်လိုင်း ဂိမ်းတချို့မှာလည်း Player ကိုယ်စားပြု အလံနေရာမှာ မြန်မာ မပါခဲ့ဘူး။ တစ်ခြားနိုင်ငံ အလံနဲ့ Game ဆော့ကြ၊ Register လုပ်ကြရတာ တော်တော်လေး အောင့်သက်သက် နိုင်တယ်။ အဲ့တုန်းက မြန်မာပြည်သားတွေအနေနဲ့ Game ဆော့ရင် ကိုယ့်နိုင်ငံအလံနဲ့ ဆော့ချင်ကြသလို ကိုယ့်နိုင်ငံအလံနဲ့ပဲ Website တွေမှာ Register လုပ်ချင်ကြတယ်။ လုပ်ခွင့်မရတာက များနေတာကိုး၊

Software တွေ Game တွေမှာဆိုရင်လည်း တစ်ခါတလေ . မြန်မာ ဘာသာစကား ပါမလား  အရူးထပြီး ရှာကြည့်သေးတယ်။ တချို့ Lanaguage တွေအများကြီး Support ပေးတဲ့ Software တွေမှာတောင် မြန်မာ ဘာသာ ပါမလာခဲ့ဘူး။

အခုနောက်ပိုင်းတော့ တော်တော်လေး အဆင်ပြေလာတယ်။ Website တော်တော်များများမှာ Register လုပ်တဲ့အခါ Country List မှာ Myanmar ဆိုတာပါလာတယ်။ မြန်မာပြည်က လူဆော့များတဲ့ Game တွေမှာလည်း Myanmar အလံပါလာတယ်။ တချို့ Game/App တွေဆို Myanmar ဘာသာ စကားနဲ့တောင် အသုံးပြုလို့ ရနေပြီ။

တချို့ မြို့ကြီးသား စာတတ်ပေတတ် တွေက Game/ App တွေကို မြန်မာဘာသာစကားနဲ့ သုံးလို့ တောသား ဘာညာလို့ ထင်ကောင်း ထင်မယ်။  ပြောကောင်း ပြောမယ်။ တကယ်တော့ သြော် . သူတို့ ကိုယ့်နိုင်ငံကို အသိအမှတ်ပြုပါလားပေါ့၊ အင်္ဂလိပ်စာ မတတ်လို့ မဟုတ်ဘဲ . အဲ့ဒီလို ဂုဏ်ယူချင်လို့ သုံးကြတာ၊ အဲ့ဒီလို Feel ကို အပေါ်က ပြောခဲ့တဲ့ Country List မှာ မြန်မာကို ရှာမတွေ့ခဲ့တဲ့ လူတွေ၊ Language List မှာ မြန်မာကို ရှာခဲ့ဖူးတဲ့ သူတွေပဲ သိဖို့ များပါတယ်။

အခုမှ Register လုပ်ရင် မြန်မာအလံ ပါတာကပဲ အပြစ်ကြီး တစ်ခုလို၊ App တွေကို မြန်မာစကား နဲ့ သုံးလို့ ရတာကပဲ တောဆန်သလိုလို ပြောနေကြပြန်တော့ ဟိုအရင်ချိန်တွေ ပြန်တွေးရင်း .. ပြုံးမိတယ်။

တိုးတက်အောင်(ပဲခူး)